Samarqand shahar 1-son texnikumi — 1976-yildan buyon faoliyat yuritib kelayotgan kasbiy ta’lim muassasasi. Texnikum 9-sinf bitiruvchilarini zamonaviy kasblarga tayyorlaydi va xalqaro Pearson BTEC dasturlari bo’yicha ham ta’lim beradi.
Texnikum raqamlarda
- 800 dan ortiq o’quvchi
- 10 ta mahalliy va 3 ta xalqaro (Pearson BTEC) yo’nalish
- 35 nafar fan o’qituvchisi va 10 nafar ishlab chiqarish ta’limi ustasi
- Bitiruvchilarning 86,7 foizi ishga joylashgan
- 87 ta hamkor korxona
Moddiy-texnik baza
Texnikum 2,7 gektar maydonda joylashgan 3 ta o’quv binosiga ega. 45 ta o’quv xonasi, 2025-yilda ta’mirlangan ikki qavatli ustaxonalar (1734,5 m²), sport zali va 120 o’rinli oshxona o’quvchilar xizmatida.
Dual ta’lim va hamkorlar
O’quvchilar amaliyotni bevosita ishlab chiqarishda o’tashadi. Hamkor korxonalar orasida Daka-Intex MChJ, Samarqand avtomobil zavodi, Samarqand suv ta’minoti AJ va boshqalar bor.
Xalqaro hamkorlik
Texnikum Pearson Education Limited (Buyuk Britaniya) tomonidan tasdiqlangan markaz hisoblanadi. Rossiya va Xitoy ta’lim muassasalari bilan hamkorlik yo’lga qo’yilgan, pedagoglarimiz Xitoyda malaka oshirgan. 2025-yilda o’quvchimiz va ustamiz Belarusdagi xalqaro WorldSkills tanlovida ishtirok etdi.